Inuusuttoq imminut tatigisoq

Inuusuttoq imminut tatigisoq

Una asseq aasaq 2013 Maniitsumi assilisaavoq. Inuusuttut arlallit unnukkut maniitsup kalaalimineerniarfianut qallortut kammalaatigalu naammattoorpagut. Inuusuttut taakku illumiit illumut pisseqattaarput, attortaappasillutik. Assilisaarlugit aallartippagut, sapiiserlutik pisseqattaarneri assilissallugit piukkunnaramik. Seqerngup tarriffia sammillugu nukappiaraq pissilertoq assilivara, taamaammallu nukappiaqqap timaa taarpoq, assiliissutip qaamanermut uuttuutaa silap qaamanera malimmagu.
Uuma nukappiaqqap pissilernera oqaasertalissallugu eqqarsalersitsivoq. Asseq isigalugu nukappiaqqap timaa oqaluttuarpoq pissiffissani nangaariarfiginagu pissiffigileraa. Ammullu sikilaarnerata aamma takutippaa mianersortoq. Taava oqaasertavissaa oqaatigerusutara tassaavoq “Inuusuttoq imminut tatigisut”. Taanna oqaaseq uanga takorluugaraara/sinnattoraara, Kalaallit Nunaanni inuusuttut imminnut tatiginerulernissaat, sunulluunniit alloriaraangamik imminnut tatigalutik alloriartassasut.

Ass. / Fotograf / Photographer:
Aqqalu

Sume / Sted / Location:
Sisimiut

Ukiua / Årstal / Year:
2013

Sinnattoq