Foto: Steen Olsen

Foto: Steen Olsen

Isi pillugu

Oqartarpugut isi tarnitta tarrarsuutigigaa. ISI-mi assiliiviup linsia pineqarpoq, taanna isitut ippoq, takunnissinnaallunilu eqqaminiittut assilisani uppernarsartarpai.

Nunatsinni najugaqarpit assiliinermillu nuannarisaliullutit, immaqalu ilaatigut Photoshop assigisaallu atorlugit assilisatit pinnguarisarlugit? Eqqumiitsuliortutut ilinniarsimasuussanngilatit, kisianni soorlu ilinniartuusinnaavutit, qatserisartuullutit, aalisartuullutit ilinniartitsisuullutilluunniit – taava saqqummersitsinermut kingornalu atuakkamut ilaanissannut periarfissaqalerputit.

ISI assilisanut projektiuvoq pissanganartoq, Nunatsinnit tamanit assit digitaliusut inuuniutiginngikkaluarlugu assiliisartunit assilisat.

Projektimi uani Nunatta inui kikkuugaluilluunniit periarfissinneqarput nammineqqissaaq digitalimik assilisatik saqqummersinneqarsinnaasut.

Assilisat nassiunneqartut naliliiffigineqarlutillu aalajangiisussanit misilittagalinnit toqqakkanit qinerneqassapput. Aalajangiisussat toqqakkat assilisat pitsaanerpaat 40-t toqqassavaat, taakkulu saqqummersinneqassapput atuakkamilu saqqummertussami ilaatinneqassallutik.

ISI

  • inuit Nunatsinni nunaqartut ilaatinneqarput
  • Nunarput isorartoqisoq assilisavit oqaluttuaraa
  • kulturi pinngortitarlu illoqarfinni nunaqarfinnilu