Foto: Steen Olsen

Foto: Steen Olsen

Saqqumersitsineq

Saqqummersitsinermi assilisat pitsaanerpaat digitaliusut 40-t takutinneqassapput, taakku aalajangiisussatut toqqakkanit toqqarneqarsimasuussapput.

Kulturikkut illorsuarmi  Taseralik-mi Sisimiuniittumi takuteqqaarneqassapput sisamanngornermi marsip 20-ani 2014. Ulloq apriilip 20-ani Sisimiuni saqqummersitsineq naammassissaaq.

Kingorna saqqummersitsineq angalatinneqassaaq, illunilu kulturimut attuumassusilinni katersugaasivinnilu Nunatsinni nunanilu allani takutinneqartassalluni.

Assilisat qinikkavut saqqummersitsinermullu peqataatinneqartussat piareersarneqarnissaat uagut isumagissavavut, taamaasillutik saqqummersinneqarnerminni makkunatigut piareerlugit:

  • Pitsassuarmik angissuseq A2 atorlugu naqinneqarnissaat (420×594 mm)
  • Tamakkuninnga paasisimasalinnit skumpladinut ikkussuuneqarnissaat
  • Taseralimmi sulisut saqqummersitsisullu suleqatigalugit sumorpiaq nivinngarneqarnissai tulluarnerunersoq