Toqqaasussat

Arnajaraq StøvlbækArnajaraq Støvlbæk (in. 1976 København-imi)
Arnajaraq assilialiortutut Iceland Academy of the Arts-imi ilinniarsimavoq, 2010-miillu Kulturikkut Illorsuarmi Taseralimmi Sisimiuniittumi pisortaalluni. Arnajaqqap allakkanut pooqqattaa misissoraanni nunarsuarmi tusaamasat atit siumugassaapput, soorunalumi aamma nunanit avannarlernissaaq kingoqqisut. Taseralimmi eqqumiitsuliorneq, nipilersornermut tunngasut, isiginnaartitsinerit qitinnerillu akunnermiliuttuuffigisarpai, tassa nunaqavissut nunanilu  assigiinngitsuneersut. Taamaasilluni Arnajaraq Nunatsinni kulturip nunarsuarmilu kulturit allat imminnut ilisareqatigiilernerannut akunnermiliuttuuvoq.

Facebook - Arnajaraq Støvlbæk
taseralik.gl


Aká HansenAka Hansen (in. 1987 Århus-imi)
Aka Nunatsinni inuusuttut nutaaliortut ilagaat.Nunatsinni filmiliornerup tungaatigut siutttunut akuuvoq filmiliornerlu inuussutigilersimallugu. TV-kkut takusassialerisarpoq, piviusulersaarutiliortarluni filmiliortarlunilu, taamaasilluni filmiliorneq Nunatsinni suli aallarterlaajugaluaqisumut isumasiuisunut ilaalluni. Akap Nunatsinni filmiliornermut atatillugu nersornaat siulleq, Innersuaq, 2013-imi pissarsiaraa sulilu filmiliorneq qiortaanerlu nuannarisorujussuullugit. Manuskriptiliortarportaaq.

Facebook - Aká Hansen
tumit.gl


Ivars SilisIvars Silis (in. 1940 Riga-mi)
Ivars ukiorpassuarni assiliisartutut ilisarisimaneqarpoq, atuagarpaalussuillu ukiut ingerlanerini saqqummersittarsimavai. Ivarsip assilisaanni inuk, nuna, pinngortitarsuarlu nukippassualik pingaartinneqartuupput. Soqutiginnilluni alapernaallunilu assiliivimminik Nunatsinnut asanninnini takutittarpaa. Ivars 1964-imiilli Nunatsinni najugaqalerpoq, ukiunili kingullernissaaq Sverige-p kujataani naasorissaasup illuani siumorneqarsinnaasarluni.

Facebook - Ivars Silis
silis.gl